М Кеш со голема крводарителска акција по повод Светскиот ден на здравјето

Денес 7 април, на годишнината на основањето на Светската здравствена организација, се одбележува Светскиот ден на здравјето.

По тој повод во просториите на нашата дирекција, во соработка со Заводот за трансфузиологија , беше организирана Крводарителска акција, во која учествуваа нашите вработени и колегите од М Брокер.

Со негување на традицијата на компаниски крводарителски акции, М Кеш ја потврдува својата заложба и посветеност за унапредување на корпоративната општествена одговорност.

Им благодариме на колегите кои се вклучија во дарувањето крв и уште еднаш ја покажаа својата хуманост и солидарност.