Со топла прегратка за најмалите: Иницијативата „Од срце за СРЦЕ“ со донација во Охридската болница

Во рамките на нашата хуманитарна иницијатива „Од срце за СРЦЕ“, денес реализиравме уште една акција исполнета со внимание и искрена желба за помош. Нашиот тим го посети Одделот за педијатрија при Општата болница во Охрид, каде што беа донирани 30 нови ќебиња наменети за најмладите пациенти.

Мал гест со огромно значење

Честопати велиме дека она што за нас е мал труд, за некој друг може да значи целиот свет. Токму со таа мисла ја спроведовме оваа акција. Овие ќебиња не се само предмет, туку симбол на нашата грижа за дечињата, со надеж дека ќе им го направат престојот во болницата потопол и попријатен.

„Многу сме среќни по ваквите акции. Чувството дека сме придонеле за подобри услови за лекување на дечињата е непроценливо. На медицинскиот персонал му посакавме што помалку работа, а на малите херои – што побрзо да оздрават и да се вратат дома.“

Продолжуваме со мисијата

Иницијативата „Од срце за СРЦЕ“ продолжува да биде движечка сила за позитивни промени во нашата заедница. Секоја подадена рака и секоја насмевка на дечињата ни даваат мотив да продолжиме понатаму со уште поголем ентузијазам.

Им благодариме на сите колеги и соработници кои се дел од оваа приказна. Заедно докажуваме дека кога се работи со срце, граници не постојат.

Да шириме топлина и добрина – од срце за секое СРЦЕ!