Со почетокот на ноември сите шопинг зависници задоволно тријат раце бидејки доаѓа времето на големи попусти. Секоја година т.н Црн петок се претвора во еден вид лов на попусти, кој го разгорува нашиот натпреварувачки дух - ќе успееме ли да ги фатиме сите попусти, дали максимално ќе ги искористиме примамливите понуди?

Меѓутоа, не е реткост кога на крајот често се испоставува дека не сме заштедиле многу, бидејќи можно е продавачите да не довеле во заблуда со цените или да сме купиле работи кои никогаш нема да ги искористиме. И кога ќе ја „повлечеме линијата“, т.н Црн петок навистина се покажува како црн, но за нашите финансии.

Не сакаме да ве натераме да се откажете од попустите, туку само да ви посочиме каква стратегија да развиете за да преживеете финансиски:

Што навистина ви треба?

Погледнете околу вашиот дом. Дали има расипани работи или застарена опрема стара најмалку 5 години? Во каква состојба е мебелот? Дали има скршени и оштетени предмети?

Сите овие работи треба да се заменат за да се обезбеди вашата удобност и безбедноста на вашиот дом. Во случај на купување на електрични апарати, купувањето на нов, поекономичен апарат, може да ви заштеди дополнителни пари, поради последователната заштеда на електрична енергија.

За што сонувате?

Дали има нешто за што навистина сонувате, но продолжувате да го одложувате бидејќи „сега не е време“?  Па, традиционалната распродажба е вистинско време да се остварат ваквите соништа по намалени цени.

Размислете каде ќе го купите вашиот сон и доколку е потребно земете кредит, но остварете го. Ќе доживеете вистинско внатрешно задоволство и тоа ќе ви даде инспирација да продолжите неуморно да работите.

И како можеш да бидеш сигурен дали нешто е сон или каприц? Ако сè уште размислувате за тоа една недела откако ќе го видите во продавница, тоа е кошмар, а не каприц.

Дали би го купиле да не бил со попуст?

Ова е исто така важно прашање што треба да си го поставите за да видите дали вреди да потрошите пари или да земете кредит за попустите.

Ако го купувате само затоа што е поевтин, подобро е да заштедите пари. Но, доколку сепак планирате да го купите, искористете го попустот и уживајте во вашата нова алатка со здравје.

Дали имате список?

Основното правило кога трошите пари е да купувате по список. Без разлика дали имате пари или ќе земете кредит, прво направете листа на се што ви треба или сонувате да купите.

Кога ќе дојде денот на распродажба, купувајте според список и не отстапувајте од него само затоа што има повеќе артикли со попуст.

Гледате, не е толку тешко да се биде и разумен и среќен на крајот од годишниот “Црн петок“.